ܒܘܼܬ ܕܝܼܲܢ

ܚܘܼܛܵܐ ܕܗܲܝܲܪܬܵܐ ܕܓܘܼܒܵܝܹ̈ܐ ܕܒܛܝܼܢܘܼܬܵܐ ܦܝܼܫܵܐ ܝܠܹܗ ܡܘܼܪܚܸܛܵܐ ܒܝܲܕ ܡܛܲܟܣܵܢܘܼܬܵܐ ܕܒܲܝܬܘܼܬܵܐ ܕ NSW ܘܡܘܼܘܸܠܵܐ ܒܝܲܕ ܡܦܲܪܢܣܵܢܘܼܬܵܐ ܕܚܘܼܠܡܵܢܵܐ ܕ NSW.

ܡܛܲܟܣܵܢܘܼܬܵܐ ܕܒܲܝܬܘܼܬܵܐ ܕ NSW ܝܼܠܹܗ ܗܵܘ ܡܙܲܘܸܕܵܢܵܐ ܪܹܫܵܝܵܐ ܕܚܸܠܡܲܬܹ̈ܐ ܕܡܲܦܪܸܝܵܢܘܼܬܵܐ ܘܲܕܚܘܼܠܡܵܢܵܐ ܓܸܢܣܵܢܵܝܵܐ ܓܵܘ ܐܘܼܚܕܵܢܵܐ ܕܢܝܘܿ ܣܵܘܬ ܘܹܝܠܣ ܘܐܘܿܣܬܪܵܠܝܵܐ. ܘܵܠܝܼܬܲܢ ܝܼܠܵܗ̇ ܕܡܲܩܘܲܚܠܗܘܿܢ ܡܲܦܪܸܝܵܢܘܼܬܵܐ ܘܚܘܼܠܡܵܢܵܐ ܓܸܢܣܵܢܵܝܵܐ ܘܙܸܕܩܹ̈ܐ ܕܟܢܘܼܫ̈ܝܵܬܲܢ ܒܣܢܵܕܬܵܐ ܕܟܠܲܝܗܝ ܐ݇ܢܵܫܹ̈ܐ ܕܗܵܘܹܐ ܠܗܘܿܢ ܫܘܼܠܛܵܢܵܐ ܥܲܠ ܘܕܩܵܛܥܝܼ ܒܚܹܐܪܘܼܬܵܐ ܒܘܼܬ ܟܠܚܲܕ ܡܸܢܕܝܼ ܕܐܝܼܬܠܹܗ ܢܸܙܒܲܬܘܼܬܵܐ ܥܲܠ ܡܲܦܪܸܝܵܢܘܼܬܲܝܗܝ ܘܚܘܼܠܡܵܢܲܝܗܝ ܓܸܢܣܵܢܵܝܵܐ ܒܡܸܬܚܵܐ ܕܟܠܲܝܗܝ ܚܲܝܲܝܗ̈ܝ.

Policies

ܘܵܠܝܼܬܵܐ ܕܡܛܲܟܣܵܢܘܼܬܵܐ ܕܒܲܝܬܘܼܬܵܐ ܕ NSW ܝܼܠܵܗ̇ ܢܛܵܪܬܵܐ ܕܕܝܼܠܵܢܵܝܘܼܬܵܟ݂ܝ ܘܡܲܦܠܲܚܬܵܐ ܕܡܲܘܕܥܵܢܘܼܬܵܟ݂ܝ ܦܲܪܨܘܿܦܵܝܬܵܐ ܒܚܕܵܐ ܐܘܼܪܚܵܐ ܡܸܫܬܲܐܠܵܢܬܵܐ ܠܦܘܼܬ ܩܵܢܘܿܢܵܐ ܕܕܝܼܠܵܢܵܝܘܼܬܵܐ ܕܫܹܢ݇ܬܵܐ 1988 (ܫܘܼܠܛܵܢܵܐ ܕܟܘܿܡܘܿܢܒ݂ܵܝܠܬ̣̇)، ܘܩܵܢܘܿܢܵܐ ܕܬܘܼܪܵܨܵܐ (ܡܲܩܘܵܝܬܵܐ ܕܢܵܛܘܿܪܘܼܬܵܐ ܕܕܝܼܠܵܢܵܝܘܼܬܵܐ) ܕܫܹܢ݇ܬܵܐ 2012، ܘܐܸܣܛܘܿܟ݂ܣܹ̈ܐ ܕܕܝܼܠܵܢܵܝܘܼܬܵܐ ܕܐܘܿܣܬܪܵܠܝܵܐ ܘܩܵܢܘܿܢܹ̈ܐ ܘܦܘܼܩܕܵܢܹ̈ܐ ܠܚܝܼܡܹܐ ܕܕܝܼܠܵܢܵܝܘܼܬܵܐ ܕܐܘܼܚܕܵܢܵܐ ܕ NSW (ܝܕܝܼܥܹܐ ܐܲܝܟ݂ ܩܵܢܘܿܢܹ̈ܐ ܕܕܝܼܠܵܢܵܝܘܼܬܵܐ). ܩܵܐ ܒܘܼܫ ܙܵܘܕܵܐ ܡܲܘܕܥܵܢܘܼܬܵܐ ܒܘܼܬ ܕܵܐܟ݂ܝܼ ܡܛܲܟܣܵܢܘܼܬܵܐ ܕܒܲܝܬܘܼܬܵܐ ܕ NSW ܟܹܐ ܡܲܦܠܸܚܵܐ ܠܵܗ̇ ܡܲܘܕܥܵܢܘܼܬܵܐ ܦܲܪܨܘܿܦܵܝܬܵܐ، ܚܙܝܼ ܛܲܟ݂ܣܵܐ ܕܡܕܲܒܪܵܢܘܼܬܵܐ ܕܕܝܼܠܵܢܵܝܘܼܬܵܐ ܕ FPNSW (FPNSW Privacy Policy).

ܡܲܦܠܲܚܬܵܐ ܘܡܓܲܠܵܝܬܵܐ

ܚܘܼܛܵܐ ܕܗܲܝܲܪܬܵܐ ܕܓܘܼܒܵܝܹ̈ܐ ܕܒܛܝܼܢܘܼܬܵܐ ܟܹܐ ܝܵܗܸܒ݂ ܡܲܘܕܥܵܢܘܼܬܵܐ ܓܵܘܵܢܵܝܬܵܐ ܒܚܕܵܐ ܐܘܼܪܚܵܐ ܐ݇ܪܵܙܵܢܵܝܬܵܐ. ܚܲܕܟܡܵܐ ܦܘܼܨܵܠܹ̈ܐ ܦܲܪܨܘܿܦܵܝܹ̈ܐ ܦܝܼܫܹܐ ܝܢܵܐ ܛܠܝܼܒܹܐ ܩܵܐ ܢܝܼܫܹ̈ܐ ܕܡܕܲܒܪܵܢܘܼܬܵܐ ܕܛܵܒ݂ܘܼܬܵܐ. ܡܲܘܕܥܵܢܘܼܬܵܐ ܝܗܝܼܒ݂ܬܵܐ ܒܝܲܕ ܚܘܼܛܵܐ ܕܗܲܝܲܪܬܵܐ ܕܓܘܼܒܵܝܹ̈ܐ ܕܒܛܝܼܢܘܼܬܵܐ ܓܵܪܲܓ ܕܠܵܐ ܦܵܝܫܵܐ ܚܘܼܫܒܸܢܬܵܐ ܐܲܝܟ݂ ܡܸܠܟܵܐ (ܢܲܨܝܼܗܲܬ) ܐܵܣܝܵܝܬܵܐ ܦܪܝܼܫܬܵܐ، ܝܲܢ ܐܲܝܟ݂ ܡܥܲܝܲܢܬܵܐ ܕܡܲܪܥܵܐ ܝܲܢ ܩܵܐ ܢܝܼܫܹ̈ܐ ܕܕܲܪܡܲܢܬܵܐ ܝܲܢ ܐܲܝܟ݂ ܚܲܕ ܪܸܥܝܵܢܵܐ ܬܪܲܝܵܢܵܝܵܐ. ܦܲܪ̈ܨܘܿܦܹܐ ܠܚܘܿܕܵܝܹ̈ܐ ܕܗܲܡܙܘܼܡܹܐ ܝܢܵܐ ܒܘܼܬ ܨܒܘܼܝܵܬܹ̈ܐ ܕܣܢܝܼܩܹܐ ܝܢܵܐ ܠܡܸܠܟܵܐ ܐܵܣܝܵܝܵܐ ܦܲܪܨܘܿܦܵܝܵܐ ܒܸܕ ܦܵܝܫܝܼ ܡܘܼܦܫܸܛܹܐ ܕܚܵܙܝܼ ܩܵܐ ܡܙܲܘܸܕܵܢܹ̈ܐ ܕܚܸܠܡܲܬܹ̈ܐ ܐܵܣܝܵܝܹ̈ܐ.