Privacy & Policy

ܘܵܠܝܼܬܵܐ ܕܡܛܲܟܣܵܢܘܼܬܵܐ ܕܒܲܝܬܘܼܬܵܐ ܕ NSW ܝܼܠܵܗ̇ ܢܛܵܪܬܵܐ ܕܕܝܼܠܵܢܵܝܘܼܬܵܟ݂ܝ ܘܡܲܦܠܲܚܬܵܐ ܕܡܲܘܕܥܵܢܘܼܬܵܟ݂ܝ ܦܲܪܨܘܿܦܵܝܬܵܐ ܒܚܕܵܐ ܐܘܼܪܚܵܐ ܡܸܫܬܲܐܠܵܢܬܵܐ ܠܦܘܼܬ ܩܵܢܘܿܢܵܐ ܕܕܝܼܠܵܢܵܝܘܼܬܵܐ ܕܫܹܢ݇ܬܵܐ 1988 (ܫܘܼܠܛܵܢܵܐ ܕܟܘܿܡܘܿܢܒ݂ܵܝܠܬ̣̇)، ܘܩܵܢܘܿܢܵܐ ܕܬܘܼܪܵܨܵܐ (ܡܲܩܘܵܝܬܵܐ ܕܢܵܛܘܿܪܘܼܬܵܐ ܕܕܝܼܠܵܢܵܝܘܼܬܵܐ) ܕܫܹܢ݇ܬܵܐ 2012، ܘܐܸܣܛܘܿܟ݂ܣܹ̈ܐ ܕܕܝܼܠܵܢܵܝܘܼܬܵܐ ܕܐܘܿܣܬܪܵܠܝܵܐ ܘܩܵܢܘܿܢܹ̈ܐ ܘܦܘܼܩܕܵܢܹ̈ܐ ܠܚܝܼܡܹܐ ܕܕܝܼܠܵܢܵܝܘܼܬܵܐ ܕܐܘܼܚܕܵܢܵܐ ܕ NSW (ܝܕܝܼܥܹܐ ܐܲܝܟ݂ ܩܵܢܘܿܢܹ̈ܐ ܕܕܝܼܠܵܢܵܝܘܼܬܵܐ).

ܩܵܐ ܒܘܼܫ ܙܵܘܕܵܐ ܡܲܘܕܥܵܢܘܼܬܵܐ ܒܘܼܬ ܕܵܐܟ݂ܝܼ ܡܛܲܟܣܵܢܘܼܬܵܐ ܕܒܲܝܬܘܼܬܵܐ ܕ NSW ܟܹܐ ܡܲܦܠܸܚܵܐ ܠܵܗ̇ ܡܲܘܕܥܵܢܘܼܬܵܐ ܦܲܪܨܘܿܦܵܝܬܵܐ، ܚܙܝܼ ܛܲܟ݂ܣܵܐ ܕܡܕܲܒܪܵܢܘܼܬܵܐ ܕܕܝܼܠܵܢܵܝܘܼܬܵܐ ܕ FPNSW (FPNSW Privacy Policy).

ܡܲܦܠܲܚܬܵܐ ܘܡܓܲܠܵܝܬܵܐ

ܚܘܼܛܵܐ ܕܗܲܝܲܪܬܵܐ ܕܓܘܼܒܵܝܹ̈ܐ ܕܒܛܝܼܢܘܼܬܵܐ ܟܹܐ ܝܵܗܸܒ݂ ܡܲܘܕܥܵܢܘܼܬܵܐ ܓܵܘܵܢܵܝܬܵܐ ܒܚܕܵܐ ܐܘܼܪܚܵܐ ܐ݇ܪܵܙܵܢܵܝܬܵܐ. ܚܲܕܟܡܵܐ ܦܘܼܨܵܠܹ̈ܐ ܦܲܪܨܘܿܦܵܝܹ̈ܐ ܦܝܼܫܹܐ ܝܢܵܐ ܛܠܝܼܒܹܐ ܩܵܐ ܢܝܼܫܹ̈ܐ ܕܡܕܲܒܪܵܢܘܼܬܵܐ ܕܛܵܒ݂ܘܼܬܵܐ. ܡܲܘܕܥܵܢܘܼܬܵܐ ܝܗܝܼܒ݂ܬܵܐ ܒܝܲܕ ܚܘܼܛܵܐ ܕܗܲܝܲܪܬܵܐ ܕܓܘܼܒܵܝܹ̈ܐ ܕܒܛܝܼܢܘܼܬܵܐ ܓܵܪܲܓ ܕܠܵܐ ܦܵܝܫܵܐ ܚܘܼܫܒܸܢܬܵܐ ܐܲܝܟ݂ ܡܸܠܟܵܐ (ܢܲܨܝܼܗܲܬ) ܐܵܣܝܵܝܬܵܐ ܦܪܝܼܫܬܵܐ، ܝܲܢ ܐܲܝܟ݂ ܡܥܲܝܲܢܬܵܐ ܕܡܲܪܥܵܐ ܝܲܢ ܩܵܐ ܢܝܼܫܹ̈ܐ ܕܕܲܪܡܲܢܬܵܐ ܝܲܢ ܐܲܝܟ݂ ܚܲܕ ܪܸܥܝܵܢܵܐ ܬܪܲܝܵܢܵܝܵܐ. ܦܲܪ̈ܨܘܿܦܹܐ ܠܚܘܿܕܵܝܹ̈ܐ ܕܗܲܡܙܘܼܡܹܐ ܝܢܵܐ ܒܘܼܬ ܨܒܘܼܝܵܬܹ̈ܐ ܕܣܢܝܼܩܹܐ ܝܢܵܐ ܠܡܸܠܟܵܐ ܐܵܣܝܵܝܵܐ ܦܲܪܨܘܿܦܵܝܵܐ ܒܸܕ ܦܵܝܫܝܼ ܡܘܼܦܫܸܛܹܐ ܕܚܵܙܝܼ ܩܵܐ ܡܙܲܘܸܕܵܢܹ̈ܐ ܕܚܸܠܡܲܬܹ̈ܐ ܐܵܣܝܵܝܹ̈ܐ.

ܛܲܟ݂ܣܵܐ ܕܡܕܲܒܪܵܢܘܼܬܵܐ ܕܠܦܵܦܹ̈ܐ ܕܲܒܫܵܢܹ̈ܐ (Cookies)

ܫܵܘܦܵܐ ܐܹܠܸܟܬܪܘܿܢܵܝܵܐ ܕܚܘܼܛܵܐ ܕܗܲܝܲܪܬܵܐ ܕܓܘܼܒܵܝܹ̈ܐ ܕܒܛܝܼܢܘܼܬܵܐ ܒܲܠܟܵܐ ܕܡܲܦܠܸܚ ܠܦܵܦܹ̈ܐ ܕܲܒܫܵܢܹ̈ܐ ܠܸܡܟܲܦܘܼܫܹܐ ܡܲܘܕܥܵܢܘܼܬܵܐ ܕܠܵܐ ܫܘܼܡܵܗܵܐ ܘܠܵܐ ܦܲܪܨܘܿܦܵܝܬܵܐ ܠܸܟܝܵܠܘܿܗ̇ ܥܵܒ݂ܘܿܕܘܼܬܵܟ݂ܝ ܥܲܠ ܫܵܘܦܵܐ pregnancychoices.org.au. ܐܲܝܵܐ ܡܲܘܕܥܵܢܘܼܬܵܐ ܒܸܕ ܦܵܝܫܵܐ ܡܘܼܦܠܸܚܬܵܐ ܐܲܚܟ̰ܝܼ ܩܵܐ ܢܝܼܫܵܐ ܕܝܵܕܥܲܚ ܟܡܵܐ ܨܦܵܝܝܼ ܦܠܵܚܵܐ ܝܠܹܗ ܫܵܘܦܲܢ ܐܹܠܸܟܬܪܘܿܢܵܝܵܐ. ܠܦܵܦܹ̈ܐ ܕܲܒܫܵܢܹ̈ܐ ܠܹܐ ܡܟܲܦܫܝܼ ܡܲܘܕܥܵܢܘܼܬܵܐ ܕܡܓܲܠܝܵܐ ܠܵܗ̇ ܗܝܼܵܝܘܼܬܵܐ (ܗܲܘܝܼܵܐ) ܕܦܲܪ̈ܨܘܿܦܹܐ. ܒܡܲܦܠܲܚܬܵܐ ܕܫܵܘܦܵܐ ܐܹܠܸܟܬܪܘܿܢܵܝܵܐ ܕܚܘܼܛܵܐ ܕܗܲܝܲܪܬܵܐ ܕܓܘܼܒܵܝܹ̈ܐ ܕܒܛܝܼܢܘܼܬܵܐ، ܐܲܢ݇ܬܝ ܒܸܩܒܵܠܵܐ ܝܘܲܬܝ ܒܘܼܬ ܡܲܦܠܲܚܬܵܐ ܕܠܦܵܦܹ̈ܐ ܕܲܒܫܵܢܹ̈ܐ.